Świętochłowice - Forum bez polityki

Chyba wypado sie pochwolić że u nos w Chorzowie momy take dwa kamienie,jedyn na Redenbergu


a drugi znalozł sie w skansenie,jest tam odpowiednio wyeksponowany i opisany
foty by salamandra z chorzowskiego forum,bo jo tam jeszcze niy dotar

_________________
[*] http://www.youtube.com/watch?v=4Fx4mshinO0 [*]

Godoł mi kolega co znod przy Hubertusie jakoś berga i przitargoł ją na łogrodek.Musza tam podjechać i obadać , czy to coś po księciuniu
O bergach już wiymy, to dali trza o tych polach górniczych Pan na Świerklańcu jak i napewno inksi ważni i możni byli niyusatysfakcjowani i ciśli na władze coby dać im więcej tego gruntu, bo mieli większe parki niż miejsca pod gruba To w 1821 roku władze pozwoliły na konsolidacje posiadanych pól górniczych, tako mało fortka To jednak jeszcze panow niy zadowoloło. W 1865 r Nastympno ustawa dała im reszcie to co chcieli. Teroz mogli mieć pola 20km2 i jeszcze sie mogli je konsolidować.
Na to chyba czekoł Donnersmarck.Jeszcze jedno, ustawa dowała możliwość cofnięcia koncesji jak pole nadane niy było ekksploatowane,ale wto sie tym przejmowoł.Słownik Górnictwa podaje co w latach 60-tych XIX wieku pól górniczych na Śląsku było prawie 500 a eksploatowali niy cołkie 100.
W siyrpniu 1852 roku graf już wiedzioł co na Chropku jest wongel i zgłosion nadanie Gabor a w czerwcu 1854 następne Jung-Detlev.Te pole Jung-Detlev niyskorzi bo co by sie na zicher upewnić pinkli pora odwiertow z powierzchni a to trwo.
W styczniu i lutym WUG w Wrocławiu to zaklepoł , znaczy sie oba te pola.Co robi księciuniu? Konsoliduje te pola górnicze
20 lutego 1883r w wyniku tej konsolidacji powstaje Cons.Schlesien i wszystko sie prostuje
Jeszcze co by zakończyć te nudy to ciacher macher i w 1899 r wystąpioł o prziłączenie nadanio Ekscellenz, na co dostoł zgoda w 1901r i powstoł "gigant" wydobywczy Steinkohlenbergwerk Schlesien o polu górniczym iber 30 hektarkow
Nojgorsze chyba za mną

gryfnie toś to wyelklerowoł

Tak gryfnie,obrazowo i jasno żech teroski pochopioł

_________________
[*] http://www.youtube.com/watch?v=4Fx4mshinO0 [*]

Dziękuja, starom sie
Jeszcze mi sie spomło co trza by napisać coś o kuksach Po naszymu boły by to udziały w spółce Takie coś jednak boło i cołkiym dobrze funkcjonowało.Dzielyli takie pole na poł, potym te połowki zaś na poł, teroz te ćwiartki zaś na poł, potym te ósymki zaś na poł, nastympnie te 16tki zaś na poł itd aż dojechali do 128
Sześć takich powstałych kuksow boły wolne a reszta czyli 122 mioł właściciel bądź właściciele pola górniczego.Te sześć wolnych kuksow to boł czysty zysk, bo w razie strat to te sześć kuksow niy dociepało sie do bankructwa ani niy musiało inwestować w rozbudowa gruby.
Z tych 6 kuksow właściciel mioł dwa, drugie dwa przipadało Funduszowi Wolnych Kuksow a dwa łostatnie Uni Bracki. Teroz już niewtorzy wiedzą skąd szła kasa na budowa kościołow, szkoł i drog i innych ważnych inwestycji, włąsnie z tego Funduszu Wolnych Kuksow.
Unia Bracko dostowała 2 kuksy na szpitale, rynty i zapomogi do biydokow, wdowow po górnikach itd.
Teroz prosto matymatyka- 100 eksploatowanych na Śląsku pól górniczych to 200 kuksow do Uni Bracki i 200 do Funduszy Wolnych Kuksow.Wszyscy myślą co te bogate byli takie filantropy a to prawo im nakazywało

Dobra, obiadek zjedzony to sie jeszcze popisza troszka Co robi dobry gospodorz zanim zacznie budować? Ano staro sie o materiał na budowa.Wtedy myślynie boło inne bo sie budowało za swoje i każdo porażka bolała a niy jak teroz, położom chodnik i w ciągu roku poradzom go 6 razy rozkopać,W XIX wieku obudowa szybu była wykonywano z cegły.Mur mioł co najmi poł metra grubości, co przy szybach 3 x 3 m trocha tej cegły trza boło.Betonowanie opanowali dopiyro z początkiem XX wieku.
Co robi graf? Skalkulowoł co bydzie potrzebowoł dużo cegły i wopna.Te jego umyślne jak badali grunta
przi szukanio wonglo to wiedzieli kaj i co w ziymi jest.
Wybudowali cegielnia pomiędzy dzisiejszymi ulicami Kamionki i Lampego.
Niywtore budowle łostały do dziś.Kajś tam Adik pracowoł, pracuje Glina szachtowali tam kaj teroz są ogrodki działkowe- pomiędzy Łagiewnicką a Ostatnią.Tam wele tego miejsca co do dziś stoi willa dyrektora postawioł wapiynnik, woda i piosek tyż boły, na około drzewa tyż dostatek to do roboty

Uwijom sie i zapomniołech o obrozkach

Piyrsze łopaty wbiyli w ziymia 1 maja 1883r. Jedyn z tych co dostąpioł zaszczytu jak wcześni opisołech boł sztygar Hans Reifland.Możno i pan z Świyrklańca przijechoł badnąć ale póki co pewności niy ma.
Tak zaczli budować szyb I.
!2 lipca tegoż roku rozpoczoło sie głębienie szybu II.
Oba te szyby w piyrszym etapie zostały zgłębione do poziomu 165m.
Szyb I w roku 1886 mioł już 260m głębokości a szyb II ta głębokość osiągnął w roku 1892 a to dlatego ,że był większy co widać po wieży

Grubom rządziyli w tamtych czasach absolwenci Tarnowitzer Bergschule
Kihm, Max; *1863 in Anna Grube b. Aachen. (Zeichner u. Aufseher - Schlesien Grube). Unterrichtsjahr 18.4.1882-19.3.1883
Kulas, Ludwig; *1852 in Tarnowitz. (Reviersteiger - Schlesien Grube). Kursus vom 2.11.1871-29.10.1873
Leuschner, Hermann; *1868 in Königsberg. (Häuer - Schlesien Grube). Dient im Jahre 1889 als Soldat in einem Eisenbahn-Regiment. Unterrichtsjahr 3.5.1866-2.4.1887
Późniejszy dyrektor kopalni Śląsk Lück, Otto; *1853 in Friedenshütte. (Obersteiger - Schlesien Grube). Kursus vom 2.11.1871-29.10.1873
Müller, Heinrich; *1835 in Tarnowitz. (Obersteiger - Schlesien Grube). Im Jahre 1889 als Kalkofen-Inspektor i. Naklo bei Tarnowitz. Kursus vom 3.4.1854-19.3.1856
Weingarten, Ewald; *1857 in Tarnwowitz. (Steiger - Schlesien Grube). Vom Bergfach abgegangen [vor 1889]. Unterrichtsjahr 1.4.1874-9.3.1875
Welt, Kurt; *1864 in Kattowitz. (Steiger - Schlesien Grube). Unterrichtsjahr 10.4.1883-4.4.1884
Johnson, Arthur; *1866 in Wieschowa n. Tarnowitz. (Aufseher - Schlesien Grube). Unterrichtsjahr 3.5.1866-2.4.1887
Draese, Franz; *1866 in Tarnowitz. (Grubensteiger - Schlesien Grube). Unterrichtsjahr 14.4.1885-17.4.1886
Jak widać kadra międzynarodowo

Szkoda, że sam na forum niy ma lajkow, bo bych ci ich sporo naklupoł.